Sprzedaż auta po śląsku

Aby szybko i skutecznie sprzedać auto, trzeba mieć pomysł, to banał ale zawsze się sprawdza. Muszę przyznać, że autor tego ogłoszenia pomysł miał doskonały a i wykonanie niesamowite. Zresztą nie ma się co długo rozpisywać, to trzeba przeczytać. Lojalnie ostrzegam, że w treści ogłoszenia mogą pojawić się wyrazy a nawet zdania, które mogą sprawić trudność. Ślązacy nie powinni jednak mieć z nimi problemu. No i ciekawe co sprzedawca by zrobił, gdyby jednak samochód kupił ktoś z Sosnowca? Hmm…

Sprzedōm auto.

Sprzedōm auto skuli tego, co ôd roku nim niy jeżdża, a ino stoi na placu, zawodzŏ i zasłaniŏ mi kwiŏtki. To niy bōł by żŏdyn problym, bo jŏ i tak sie na kwiŏtkach niy znōm, ale kej żech musioł zabulić za OC i przeglōnd, to żech sie zmiarkowoł, co moga kupić krasnala ôgrodowego przi granicy z Rajchym – taki cwerg tyż zasłoni kwiŏtki, a bydzie trocha tōńszy w utrzimaniu. Beztōż sprzedowōm auto.

Primera, choć złōnaczōnŏ we Japonii a poskłodanŏ we Anglii, je tak richtich ze Ślōnska – kupionŏ bōła bez mojigo fatra w 2002r. we salonie w Katowicach na Francuskij. Do 2010 jeździł niōm mōj fater, potym jŏ.

Przebieg je ôryginalny – 255 000 km – idzie się wejrzeć w papiōry. Kej szukŏsz 13 lŏt starego auta, kere bydzie miało przebieg 160 tauzynōw, to moga Ci poradzić, cobyś sie kupił ta Primera, podjechoł do jakiygo Mirka i doł sie za flaszka to przekryncić. Bydziesz mioł 160 000, a za drugŏ flaszka Mirek pewniykiym złōnaczy Ci i 20 000. Jak fajrować, to po całości.

Mogesz tyż sie kupić na giełdzie Passata w tedeiku, za kerym płakali w Rajchu (ze śmiychu jak im po drodze spŏd ze lawety).

Wyposażynie je bogate choby onkel z Dortmundu: klimatronik, 4 poduszki powietrzne, ABS, EBD, BA, 4x el. szyby, radio + 6 głośnikōw. Mŏ komplet ôpōn na lato i zima (styknōm co najmynij na 2 sezōny). Letnie sōm na szykownych alufelgach Stil-Auto.

Silnik je na benzyna (gaz je dobry do kuchnie), ale niy pŏli za wiela – w mieście niy winycy jak 8,5 litra, na trasie żech zloz do 6,5 litra, ale kej jeździsz trocha warcij niż Twōj starzik, to spŏlisz tak kajś 7 litrōw. Nissan mŏ tyż w pierōny placu ze zadku, co się przidowŏ, kej sie mŏsz mynij jak 40 lŏt (abo wiyncy i niy boli Cie w krziżu) i jakoś (wersyjŏ do synkōw) gryfnŏ frelka ôbok. Abo żona – ale tego żech niy testowoł i niy dowōm gwarancyje.

Ôstatnio Primera nawet trocha jeździła (1200km w 2014) kej mōj Opel, kerym terŏzki jeżdża, trefioł sie w październiku z dzikiem we Chorzowie. Przysiyngōm na Pōnbōczka, co żech żŏdnymu dzikowi niy gŏdoł ô tym, co żech za bajtla jeździł na szpile do Zŏbrza. Ale pierōny i tak wiedzieli.

Dzik OC niy mioł, Opel bez miesiōnc się naprawioł, tōż Nissan przestoł zasłaniać kwiŏtki – jeździł i niy bōło żŏdnygo problymu, beztōż moga go spokojnie polecić.

Niydownŏ złōnaczōne: remōnt silnika (nowŏ uszczelka pod głowicōm + planowaniy), termostat, nowy tłumik środkowy. Rozrzōndu niy trza wymiyniać – jes na kecie.

Do zrobiyniŏ: prawy wahacz z przŏdku, linka hampla ryncznego, pilot autoalarmu

Przeglōnd do: 03.2016

OC do: 02.2016

  1. Kej wtoś szukŏ nowego auta za taki geld, to niych lepij ani niy dzwoni, bo jeszcze pomyśla, co je ze Sosnowca.

PS2. W drodze wyjōntku ôferty ze Zogłymbiŏ tyż przijmuja. Przekłŏd na polski gratis.

//Auto sprzedane, terŏzki bydzie jeździć we Katowicach.

 

Poniżej zrzut oryginalnego ogłoszenia:

Linka do aukcji nie wstawiam, bo Nissan ma już nowego właściciela. Swoją drogą, to niska ta cena była (4800 zł). Ja bym tak świetnego samochodu za tak śmieszne pieniądze nie sprzedał.

8 myśli na temat “Sprzedaż auta po śląsku

  • niedziela 19 Kwiecień 2015 o 18:57
    Permalink

    Jestem z Warszawy i czuję jakbym czytał ogłoszenie na mobile.de, mniej więcej tyle samo zrozumiałem

  • wtorek 28 Kwiecień 2015 o 12:53
    Permalink

    Nie wszystko można zrozumieć 🙂 Ale opis super 🙂

  • środa 29 Kwiecień 2015 o 10:46
    Permalink

    Haha trochę masz w tym racji Mateusz 😉 Dziwi mnie, że nie którzy jeszcze wystawiają tego typu ogłoszenia

  • piątek 29 Maj 2015 o 15:00
    Permalink

    Ogłoszenie jak ogłoszenie. Ślązaki nie gęsi, swój język mają 😉 Takie Nissany chodzą normalnie po 3 tys, więc wcale nie uważam, że to taka dobra cena. Na prawdę widziałem na własne oczy samochody w tym przedziale cenowym i jestem pod wrażeniem. Oczywiście historia tych aut to druga rzecz… natomiast chyba tylko pacan będzie latał z miernikiem itp kupując auto za 3 k 🙂

  • piątek 17 Lipiec 2015 o 15:33
    Permalink

    Na pewno z takim ogłoszeniem miał dużo odwiedzających, no i szybko sprzedał 🙂

  • czwartek 27 Sierpień 2015 o 12:54
    Permalink

    Fajne oryginalne, kupowałbym 🙂

  • poniedziałek 26 Październik 2015 o 09:08
    Permalink

    W dzisiejszych czasach musisz się odróżnić, żebyś mógł coś sprzedać.

  • poniedziałek 25 Kwiecień 2016 o 14:02
    Permalink

    Po postu chciał sprzedać samochód Ślązakowi 🙂 specjalnie tak dodał by nikt inny nie zrozumiał 🙂

Dodaj komentarz

Twój adres email nie zostanie opublikowany. Pola, których wypełnienie jest wymagane, są oznaczone symbolem *